D’Ekipp vu FerroForum invitéiert Iech häerzlech op déi nächst Editioun vun eiser OarbechterKiermes, de Samschden, 16. Mee 2026 ab 12h am Zentralatelier vun der Metzeschmelz zu Esch-Schëffleng.
Als Hommage un d’Kiermesse vum Ufank vum 20. Joerhonnert, ginn et traditionell Spiller ze entdecken, déi d’Ekipp vum FerroForum op hir Manéier adaptéiert huet. Eis Schmëtt ass och un, a mir weisen wat Spannendes am Atelier geschafft gëtt.
Et sinn awer och aner Forainen an Artiste mat vun der Partie. Eisen nationalen „Hercule Forain“, de Georges Christen wäert mat senger droender Stëmm a senger onbändeger Energie seng „Power Show“ animéieren. U Musek soll et net feelen: D’Biergaarbechter-Musék vun Esch ass natierlech erëm dobäi, souwéi Les Amis de l’Accordéon.
Dëst Joer fënnt och nees eng Grouss Ferruginéis Tombola statt, ob där een spannend Originalstécker, déi hei um Site vun der Metzeschmelz fonnt goufen, gewanne kann.
Fir Iessen a Gedrénks ass op eiser Kiermes natierlech och gesuergt – sidd gespaant ob hausgemaache Spezialitéite vun eiser Ekipp, wéi z.B. déi traditionell Kiermeskuch an Ham an eis Eisekuchen. An eis Kolleege vu Millebéier sinn och erëm mat exklusive Produkter dobäi.
Wéi ëmmer ass den Accès ze Fouss oder per Vëlo vum Portail Schëffleng an méiglech.
Et wäert och eng Navette ginn, déi den Aller-Retour tëscht dem Parking Portail Lalleng, dem Bâtiment 5 beim Portail Neiduerf an dem Zentralatelier mécht.
PROGRAMM
12:00 Ouverture vun der Kiermes mam traditionelle Hämmelsmarsch vun der Escher Biergaarbechter-Musék & Apéro
12:00-13:00 Concert vun der Biergaarbechter-Musék
15:00 Georges Christen – Show
Intermezzo: Solo-Concert Luciano Pagliarini (Saxo)
16:30 Ferruginös Tombola
17:00-18:00 Concert Les Amis de l’Accordéon Esch
>>>> 12:00-20:00 Kiermes-Spiller & Aktiounen an der Schmëtt & Demonstratiounen am Atelier vun der Ekipp vum FerroForum & Virstellung vum Greystrooss-Modell & Dégustatioun vu Millebéier <<<<<
20:00 Enn vum Programm
